Hri danna, kimtaka pek a nih theih nan, DC hovin ruahmanna siam a ni.

       

        Nimin a Lawngtlai DC, Pi Shashanka Ala hova, District Task Force Immunisation thukhawm chuan, Lawngtlai District ah, kim tak a hridanna pek a nihtheih nan ruahmanna an siam.

Meeting ah hian Hunbitiam nei a, Health Department ten hridanna an pek thin Routine Immunisation  thlir let a ni a, District chhung a Damdawiin te atangin report pek niin, hunbitiam siam a hridanna pek thin in a tuam loh te kimtak a tuamchhuah a nih theih nan, thal chhung in hmalakna kalpui nise an ti a, Hmalakna a hlawhtlin theih nan, he Meeting a tel BDO te chu an huamchhung ah tihtur tul pawimawh te lo bawhzui tur a tih an ni.

He Meeting, Senior Medical Officer, Dr.S.Thaizi, District Immunisation Officer  kaihhruai ah hian Lawngtlai DC, Pi Shashanka Ala chuan, hriselna chu ram hmasawnna bul leh innghahna a nih vangin, thahnemngai taka hmala turin thawktute chu chahin, Lawngtlai District chungah  tlawhpawh zung zung harsa deuh awm thin mahse, kimtaka hridanna la tur ten an lakvek theih nan tan lak tlan a ngai a ni a ti.

Meeting ah hian Lawngtlai District chhung a Damdawiin hrang hrang aiawh, BDO te bak ah, Health and Family Welfare Department a  thawktute an tel.