Ram hruaitute hlawh punnatur House in a pawm

MLA, Speaker, deputy speaker, minister, opposition leader, minister of state, government chief whip leh deputy government chief whip te hlawh tihpunna tur bill chu nimin khan Assembly in a pawm.

He’ng dan siamthat rawtna bill pali – The Mizoram Salaries, Allowances and Pension of Member of the Legislative Assembly (Amendment) Bill, 2019, The Mizoram Salaries, Allowances of Minister (Amendment) Bill, 2019, The Mizoram Salaries, Allowances of Speaker and Deputy Speaker (Amendment) Bill, 2019, The Mizoram Salaries, Allowances of Government Chief Whip and the Deputy Government Chief Whip (Amendment) Bill, 2019 te hi Parliamentary Affairs Minister Pu T J Lalnuntluanga’n a pulut a. Rorellai MNF MLA te leh eptu Congress MLA 5-te chuan an thlawp a, independent MLA 7-te        erawh chuan a duh lo lamah vote an pe a. MLA hlawh leh a behbawm hi tuna thla tina an lak lai cheng 65,000 atangin cheng nuai khat leh sing nga-ah tihpun a ni a, a punna hi za zela 130.77 a nih thu Pu TJ Lalnuntluanga chuan a sawi.