Editorial | RAMNGAW CHEREU CHHO ZEL HI

Kumtinin Ramngaw chereu tur ven nan thing tiak phunbelh a ni a, a awmsa venhim a nihtheih nan hmalakna pawh kalpui reng a ni a,  Sorkar phei chuan Department changtlung tak a nei nghe nghe a, hetihrual hian NGO lam pawn thapui thawh a hmalak chang an ngah mai.

        Multi Modal kawngpui hi hawn la nilo mahse, chaklaknan leh inkalpawhnan tangkaitakin hman a ni mek a, he kawng vanga ramngaw chereu chak zia hi ngaihtuahtham a tling awm e.

         Central YLA meuh thawkchhuakin, thingzainan a hman khawl te man in, an halchhia a, thingzai sa pawh mankhawm chang an nei, tlawmngaipawl an ni a, hunpumin ramngaw chereu tur an veng hmanlo, hetih chung hian, kawngpui atanga thawm hriatphak mai ah, thingzai thawm hriattur a awm deuh reng a, kawngkam ah thingzaisa hmuhmai tur pawh a awmchang a awmfo.

       
Ramngaw chereu chhozel vengtur hian, a bulthut deuh atanga hmalak a pawimawh a, chhungkua engemawzatin eizawn nan an hmang a, thingzailo tur a danchep an nihrualin an fairelbel a phai zel si, eizawnna dang an daptheih nan mumal taka kawng sialsak a tulin a hriat a, ramngaw tichereutute pawn a pawizia an hriat a, kawngdang an dap ngam a tul a,  tun ang zel a kan awm chuan, ramngaw chereu zel hi, tih chereutur a awm chhung chuan vensen a niin a rinawmloh.