Editorial | MAHNI HNA AH KAN RINAWM EM ?

Mihring nunphung ah, Rinawmna pawimawhzia leh unkaihruaituber a nih thu hi kan inzirtir nasa in, Pulpit tlang thleng a sawi hlawh ve tak, a tehtu leh tehfung lekdan a zir a, ngaihdan inpersan tak tak hringchhuaktu a niin a hriat.

        Kohhran leh Tlawmngaipawl a inhmangte vangin, kan nunhona a nuam a, mipui tan a thawktur a Sorkar in a rawih, Sorkar hnathawkte vangin hmalam kan pan a, kawng hrang hrangin,  kan nitin khawsak leh nundan a mumal zawk nan a hmalatuite vangin, a huhova khawsa thin, mihringte hian, huhonun nuam tak kan nei tih hi phat rual a nilo.
Hetihmek lai hian, mahni hna lam ngaihsak lek lova, kawngdang a thiltangkai tak nitho si a peng ta daih pawh a awmtheih, hengmite hian rinawmna an nunpui ah ngaihtheih an ni angem, Mipuiin a dawr thin hmun pakhat a an hotu chu, tawngtai tlaivarna ah a tel vangin, a dawrtutur mipui ten an mamawh laiin, a dawhkan a luah theilo an ti, hetiang chi hi a awmtheih a niange. Hetiangmi hi mirinawmlo, mahni hna a rinawmna neilo ah ngaihtheih an niangem ? tehfung lektu leh a lekduhdan a zirin a chhanna a danglam nuaiin a rinawm.
Hnabik neiten, an hna kalsanin, thildang ah inhmang lose, kan khawtlang hi a buai ngawt thungin a rinawm a, engpawhnise, mahnihna ah, rinawm taka thawk fan fan tute vanga tun dinhmun thleng thei hi kan ni tih pawm ila, Tlawmngaipawl, Kohhran, Sorkar, mimal ezawnna leh kawng hrang hrang ah kan rinawm leh rinawmloh chu midangte min teh tur nilovin, keimahni ngeiin tehfung chu    kan lek ngam a pawimawh a, chu chuan kan rinawm leh rinawmloh chhanna chu min pe theiin a rinawm.