Faktlak fak hi hmasawnna a ni a, intihphurna niin, fak phu ten fak an hlawhloh hian hnungtawlhna emaw, hmalatheitutan an phurna a tihniam thei.
Lawngtlai ah Excise & Narcotics Station thar hawn tum khan, CEM chuan, Lawngtlai East MLA in thahnem a ngaih zia leh, Department thar a pian theih nan a beihna chu fakawm a tih thu a sawi a, kha fakna kha thil satliah niin a langlo. MLA leh CEM chu Political Party ah inep an ni a, an inepna mai piahlam ah LADC boruak a chingchivet lai a ni a, hetiang hun harsat lai a CEM in MLA fakna thu mipui hma a sawi khan ngaihtuahna a tihthui khawp mai.
Ram tana thiltha tur ah chuan kan hruaitute hian thawhhona tha an nei tih a lang a, khatiang hunbik ah fakderna nilo, ataka fakna thu hial hriattur a awm kha chhunzawm chhoh atan a itawm a, chhunzawm satliah nilovin, ram leh hnam tan, mahni awmna Political Party dah tha a, mipui nawlpui ah a ni emaw, kawng hrang hrang ah pawh, thawhhona tha zawk a awm hi a nghahhlelhawm a, hetiang dinhmun a kan hruaitute an chuankai tak tak hun ah, he ram hian hmasawnna tha, in unauna duhawm a nei ngei ngei ang.
Tags
Editorial