GOVERNMENT OF MIZORAM
OFFICE OF THE DEPUTY COMMISSIONER
LAWNGTLAI DISTRICT: LAWNGTLAI
******
No.R.12012/88/2018-DC (LTI) Dated Lawngtlai, the 4th October, 2019
MIPUITE HNENA HRIATTIRNA
Kan hriat theuh angin National Highway-54 chuan hmar lam atanga Thingfal pelh ramri atangin Kawlchaw lei thlengin Lawngtlai District a tan tlang a. He kawngpui hi Lawngtlai District leh a chhim lama khuate tana chak lakna kawngpui pawimawh ber a nih piah lamah, KMMTTP kawngpui a tlang hun phei chuan Mizoram state pumpui leh India hmarchhak bial tan pawha kawngpui pawimawh tak tur a ni. Lawngtlai District hian kawngpui tha kan nei lo hle a, hei hi kawng tinrengah kan hnufual chhan leh kan nih tur ang kan nih theih loh phahna a nih bawk avangin kawngpui tha hi kan mamawh zual hle a. Tuna Japan International Cooperation Agency (JICA) sum hmanga NH-54 kawngpui laih zauh leh siam that a ni tur hi Lawngtlai District tan chuan chanchin lawmawm leh thawk huaina tur a ni.
He kawngpui zauhna atana ram lak chungchangah100% solatium pek a ni a, hei hi Mizorama a vawi khatna a ni a, a chhinchhiah tlak tak zet a ni. Zangnadawmna sum pawh 1st Phase atan sem chhuah tawh niin, 2nd Phase pawh buaipui leh mek a ni a, sem chhuah leh thuai tum a ni. Ram lak chungchangah hian kawngpui zauhna atana ram mamawh chin bak chu lak a ni dawn lo va, a tul chin bak telhtir talh tum zawnga hma la lo turin mipui pawh kan inngen a ni. Ram lak zat leh zangnadawmna chhut dan leh pek chhuah chungchanga harsatna nei chuan office hun chhungin DC office-ah thlen theih reng a ni.
He kawngpui zauh hna hi a hun taka tan hman a nih theih nan leh mipuite pawhin dik tak leh a hun taka an ram atana zangnadawmna an dawn theih nan DC office leh LADC Revenue Department chuan theih tawp chhuahin rim takin an thawk reng a. Aizawl, Serchhip leh district dangte chuan hna tan turin ram lakte NHIDCL kutah an hlan fel tawh a, hna tan kawngah kan District kan hnufum bik loh nan mipuite thawhpuina leh tawiawmna kan ngen tak meuh a ni. Kan ram leh district tan hian mipui zawng zawng kan tan ho a pawimawh a; kan district tana hmasawnna tur project pawimawh tak hi mimal duham vang emaw, mahni hmasial vang emawa tisukuk a, tikhawtlai lo hram turin kan inngen a ni.
A hun takah kan district hi inpeih fel hman lo pawh ni i la, he kawngpui zauh hna hi district dangah chuan kalpui a ni dawn tho va. He hun remchang hi kan bawhbuai a, kan bawhpelh chuan a tuartu tur chu keini kan ni tih leh, kan tu leh fate pawi kan tawk dawn tih hriain, a tibuai zawng ni lo va, a hun taka hna tan leh a nih tur ang taka zawh a nih theih nana min thawhpui turin district mipui zawng zawng leh, a bik takin he kawngpuiin a tan tlanga ram neitute kan inngen tak meuh a ni.
Sd/-
(SHASHANKA ALA)
Deputy Commissioner
&
Competent Authority for Land Acquisition
Lawngtlai District, Lawngtlai
OFFICE OF THE DEPUTY COMMISSIONER
LAWNGTLAI DISTRICT: LAWNGTLAI
******
No.R.12012/88/2018-DC (LTI) Dated Lawngtlai, the 4th October, 2019
MIPUITE HNENA HRIATTIRNA
Kan hriat theuh angin National Highway-54 chuan hmar lam atanga Thingfal pelh ramri atangin Kawlchaw lei thlengin Lawngtlai District a tan tlang a. He kawngpui hi Lawngtlai District leh a chhim lama khuate tana chak lakna kawngpui pawimawh ber a nih piah lamah, KMMTTP kawngpui a tlang hun phei chuan Mizoram state pumpui leh India hmarchhak bial tan pawha kawngpui pawimawh tak tur a ni. Lawngtlai District hian kawngpui tha kan nei lo hle a, hei hi kawng tinrengah kan hnufual chhan leh kan nih tur ang kan nih theih loh phahna a nih bawk avangin kawngpui tha hi kan mamawh zual hle a. Tuna Japan International Cooperation Agency (JICA) sum hmanga NH-54 kawngpui laih zauh leh siam that a ni tur hi Lawngtlai District tan chuan chanchin lawmawm leh thawk huaina tur a ni.
He kawngpui zauhna atana ram lak chungchangah100% solatium pek a ni a, hei hi Mizorama a vawi khatna a ni a, a chhinchhiah tlak tak zet a ni. Zangnadawmna sum pawh 1st Phase atan sem chhuah tawh niin, 2nd Phase pawh buaipui leh mek a ni a, sem chhuah leh thuai tum a ni. Ram lak chungchangah hian kawngpui zauhna atana ram mamawh chin bak chu lak a ni dawn lo va, a tul chin bak telhtir talh tum zawnga hma la lo turin mipui pawh kan inngen a ni. Ram lak zat leh zangnadawmna chhut dan leh pek chhuah chungchanga harsatna nei chuan office hun chhungin DC office-ah thlen theih reng a ni.
He kawngpui zauh hna hi a hun taka tan hman a nih theih nan leh mipuite pawhin dik tak leh a hun taka an ram atana zangnadawmna an dawn theih nan DC office leh LADC Revenue Department chuan theih tawp chhuahin rim takin an thawk reng a. Aizawl, Serchhip leh district dangte chuan hna tan turin ram lakte NHIDCL kutah an hlan fel tawh a, hna tan kawngah kan District kan hnufum bik loh nan mipuite thawhpuina leh tawiawmna kan ngen tak meuh a ni. Kan ram leh district tan hian mipui zawng zawng kan tan ho a pawimawh a; kan district tana hmasawnna tur project pawimawh tak hi mimal duham vang emaw, mahni hmasial vang emawa tisukuk a, tikhawtlai lo hram turin kan inngen a ni.
A hun takah kan district hi inpeih fel hman lo pawh ni i la, he kawngpui zauh hna hi district dangah chuan kalpui a ni dawn tho va. He hun remchang hi kan bawhbuai a, kan bawhpelh chuan a tuartu tur chu keini kan ni tih leh, kan tu leh fate pawi kan tawk dawn tih hriain, a tibuai zawng ni lo va, a hun taka hna tan leh a nih tur ang taka zawh a nih theih nana min thawhpui turin district mipui zawng zawng leh, a bik takin he kawngpuiin a tan tlanga ram neitute kan inngen tak meuh a ni.
Sd/-
(SHASHANKA ALA)
Deputy Commissioner
&
Competent Authority for Land Acquisition
Lawngtlai District, Lawngtlai
Tags
News