Faina lam a hmalakna hian mipui a tuam chhuak a, hmun kilkhawr thleng pawhin, helam hawi a hmalakna hriattur a awm chho a, kumtin a hmanthin Faina Hapta pawh hlawk takin Lawngtlai ah pawh a hman a ni.
Fai inelna ah Lawngtlai chuan dinhmun tha zawk a luah chho a, hmun hrang hrang ah, Faina hnatlang hriattur a awm deuh reng bawk.
Heng zawng zawng thlir hian, lawngtlai hian Fai hi a tlin a, a tlin mai piah lam ah, khawdang entawn tham in hmalakna kalpui pawh, a chhung a chengte hian an zo a ni tih a hriat a, khawilai ah emaw, hmuhnuam deuh thur chhuah tur a lo awm a nih pawhin, a pumpui a fai tur hian, tanlak chhoh zel a nih chuan hunrei a ngaiin a rinawmloh.
Lawngtlai hian a Fai a tlin a, a finfiahna langsar tak chu a chhung a chengte an ni a, hetikhawp a Sorkar leh NGO, khawtlang ang te a hmalakna kalpui mup mup a nih lai hian, faina lam ah rahbi pahnih khat lek pawh mitin hian chuankaibelh ila, chu chuan awmzia a neithui ngawtin a rinawm.
Khawpui fai nitur hian step tamtak zawh a ngai kher lo, fai tur a hmalakna tur inhrilhfo ngai khawp a, dinhmun hniam an tamlo ang, kan tifai theilo a nih pawhin, tibawlhhlawhtu ah tang lo ila, chu chuan kawngro a su nasa ngawtin a rinawm.
Tags
Editorial