Lawngtlai-III leitlahniam vanga harsatna thleng thin hi sawitam ngai lovin Lawngtlai mipui chu sawiloh, rampum huap pawhin vawi tam puanzar a ni tawh a, a tuartu tan lo phei chuan ngaiah neih palh mai a hlauhthawnawm hial maithei e.
Kumtinin harsatna a thleng a, kawngpui a himlova, a chhehvel a chhungkua engemawzat thinthiin an mu thei lova, an tawrhna hi a a nasa in, Sorkar lam pawn a ngaihven reng thin.
He lai leitlahniam venna tur hian ruahmanna pawh kalpuiin, hna te pawh thawh a lo ni tawh thin, tuna a landan ah hi chuan, nachhawkna ang deuh mai ah ngaihtheih a ni a, ruahmanna lianzawk, daihreitur mamawhna a lian viauin a hriat a ni.
Hmalakna hi hmanhmawh deuh taka kalpui pawh a tulna chin a awmin a rinawm a, NH-54 Bypass road tur atan KMMTTP zawhturin ruahmanna pawh a awm mek niin a hriat a, henghi tihpuitlin a nih chuan, tuna helai kawngin ngaihven a hlawh ang hi, a hniamphah hret maithei.
Engpawhnise, kawngpui chauh hi a tuartu nilovin, a pawimawhzawk, a tuartu mipuite an himtheihna tur hi Sorkar chuan nasa zawka a ngaihven a hmalakzui zel a tul viauin a hriat a ni.
Tags
Editorial