Editorial | KAN SCHOOL KAN HUAN HI

Zirlai naupangten, thlai hrisel an eitheihna tur leh, hnathawh kalphung an hriat theih nan, Lawngtlai DC hmalakna leh thahnemngaihna vangin, Kan School, Kan huan tih project chu kalpui mek a ni a, hmun engemawzat ah chuan a hlawhtlinna pawh hmuhtur a awm tawh in a rinawm.

       He ruahmanna hian Lawngtlai hming pawh a titha in, ram pum a dengchhuak hial a, hetihrual hian, he hmalakna in a huamte hian engtianginnge an kalpui tih hi enngun ngai lai niin a hriat a, School thenkhat chu a bikin khawpui ah phei chuan, hmunhma nei nganglo te pawh a awm theih, zirlai naupang an neih zat nen a tehin, thlai an tharchhuahtur chu a tam in a tamlo deuh thei a, heng bak ah hian tehfung hrang hrang, awmze nei zawk a he Project kalpuina tur atan hian  a awm nual in a rinawm.

        Thuneitu lam atanga tihtur an tih vanga tih ve ngawt aiin, tihtur a ruahman chuan awmzia a neih a, rah tha a chhuah theihdan tur a hmalakna kalpui a pawimawh a, tuna hmun thenkhat a he Project kalpui a nih dan hi chuan, tul lova inhambuaina a ang thei mai ang tih a hlauhthawnawm in a hriat a, mawhphurtu lam ten tan an lak sauh sauh a pawimawh viau awm e.