Tuichawng, Lawngtlai West leh East ah Polling Station 16 siambelh tha tih a ni.

       
Sepecial Summary Revision of Electoral Roll, 2020,  Lawngtlai District Level Standing Committee, nimin a thukhawm chuan, Lawngtlai District chhung a Assembly Constituency pathum ah Polling Station  16 siambelh tha an ti.
Pi Rochuangkimi Khenglawt SDO (Sadar) kaihhruai,  meeting ah hian  Polling Station 62 awm mek na, Tuichawng bial ah Polling Station thar 8, Boropansury-II, Bajeisora, Jaruldubasora, Vaseitlang-I, Chhotaguisury, Damdep-I, Maniabapsora leh Parva-I ah te siam belh nise an ti a, Lawngtlai West ah, Chamdur P-I ah pakhat  siambelh nise an ti a, Lawngtlai East ah Polling Station 7,  Electric Veng, Lawngtlai Vengpui, Council Veng, S.Lungpher, Sangau E-I, Chandmary S leh Vawmbuk ah te siambelh rawtna  thlir ho niin, District Level chuan Committee chuan, heng Polling Station 16 siambelh rawtna hi, mipui lam tan remchanzawkna ni a an hriat vangin an pawm a, hei bak ah hian Lawngtlai khawpui chhung a Polling        Station paruk chu     Vote thlakna hmun sawn remtih a ni    bawk.
Nimin a District Level Standing Committee in thutlukna a siamte hi Election Commission of India pawmpui turin thawn a ni dawn a ni.
Nimin a  Meeting ah hian  SDO(S) Pi Rochuangkimi Khengkawt chuan, Electoral Roll siamthar tur ah, khua leh tui tak, kumtling chin chauh Electoral Roll a thunluh an nihtheih nan Political Party leh Tlawmngaipawl te chu theihtawp chhuah a hmalakpui ah sawmin, AERO leh BLO te pawh Electoral Roll dik leh falfai tak neih a nihtheih nan, tan la sauh sauh turin a chah bawk.