Lai Autonomous Disďżľtrict Council, General Administration & Control Department (Personnel Reforms Cell) buatsaih "2 Days' Training on Financial Management & Accounting for Accounts Related Staff under LADC" chu SSA, BRC Hall, Lawngtlai-a neih chu nimin khan Deputy Secretary Pu L.Z.Tluangan a hawng.
LADC Execuľtive Secretary charge la mektu, Pu L.Z.Tluanga chuan Central leh State sorkar atangin sum leh pai vawn, hman leh enkawl chungchangah kalphung thar a rawn chhuak zel a, chumi mila LADC pawh a kal a tul a, zir tur tam tak a awmin, atul anga zir chhoh zel ani ang ati.
Pu L.Z. Tluanga chuan, LADC ah, 7th Central Revision of Pay hman anih avangte, New Pension Scheme hman tuma ruahmanna kalpui mek a nih avangte, sum enkawlna dan thar The Mizoram Autonomous District Council Fund Rules, 2018 leh Dan thar dang kan neih tak nual avangin, biktakin sum enkawlna lama thawktute tan zir tur a tam hle a, thiam tuma zir atul takmeuh ani tiin, mahni hna thiam tawk loh chu sorkar hnathawk tan thil hrehawm tak, mahni
hna a tuilohna leh inrintawklohna siam thei anih avangin, mahni hna, mawhphurhna leh tih
turte hneh taka thawk thei tura in zir a tul ani tiin Training-a kal Finance & Accounts lama
thawktute thahnem ngaitaka zir turin a chah ani.
Mizoram-a Autonomous District Council pathum zingah LADC chu a lian ber niin, Central leh State sorkar zulzuia i n r e l b a w l n a kawng hrang hrangah sulsutu deuh ber ni tawhin tun
d i n h m u n a h L A D C i n r e l b a w l n a kalhmang chu State sorkar kalphung nen danglamna a awm meuh tawh lova, LADC officer zing atangin MCS-a inziak tling, Topper
hial ni te pawh anlo awm tawh nghe nghe ani ati.
He Training ah hi vawiin hian zawhfel a ni dawn a, a tahtawlin, hnathawktu dangte pawh Training hi neihpui LADC Sorkar chuan a tum