Election Commission of India chuan Electoral Roll ennawn hna chu Electors Verification Programme hmangin September 1, 2019 atanga October 15, 2019 chhungin a nei mek a, hemi hunchhung hian Voter ten mahni veng / khua BLO te hnen ah emaw Common Service Centre ah emaw Voter Helpline Mobile Apllication leh NVSP Portal (nvsp.in) ah te, electoral roll a kan chuan dan a enfiah theih a, mahni nihna tarlan dan ah siamthat ngai neite chuan bialtu BLO kaltlang in District Election Office Lawngtlai ah September 1, 2019 atanga October 15, 2019 chhungin siamthattir tur a ni.
Awlsam takin i Smart phone atang khan Electoral roll a ziahluh i nihdan enfiah rawh le
Play store atangin Voter helpline Application install la, Voter Helpline a i luh hnu ah form, complaint, EVM, Election, Result, Candidate tihte a lo lang anga, Result tih hnuai ah rinbial chhung ah Voter tih ziahna lai ah khan click la, a chungber veilam kil a Search your Name in Electoral roll ah khan lut rawh le... Search by deatails, Search by EPIC Number, Search by barcode tih lo lang ah khan, i duh ber hmangin Electoral roll a i chuandan kimchang zawngchhuak rawh le.... Electoral roll a i chuandan ah siamthat ngai a awm a nih chuan bialtu BLO kaltlangin, District Election Office, Lawngtlai ah September 1, 2019 atanga October 15, 2019 chhungin i siamthattir dawn nia.
Google ah NVSP Service Portal ah lut la, I hming, State, District leh thildang dahkhah ngaite i dahkhah hnu ah, electoral roll a ziahluh i nihdan kimchang a lo lang ang.
Dan in a phut anga diktak a vote neih hi khua leh tui te chanvo a ni a, Electoral roll ah i ziahluh i nihdan a dik tur a ni a, han in enfiah chhin teh le.
Issued by: District Election Office, Lawngtlai District