Democracy ram ah, mipuiten an aiawhtur an thlang a, Sorkar neitu diktak chu mipuite an ni, Sorkar chuan mipui tan hna a thawk thin a, kawng hrang hrangin hmasawnna an neihtheih nan hma a la thin.
Sorkar hmalakna ah hian thiltha tamtak a awm a, a tha zing a, tihfuhloh deuh pawh a awmthei. Mipui beisei ang lo deuh a, an tana thatur ni a ngaih kalpui pawh a awmthei, heng zawng zawng ah hian, mipui hian Sorkar hmalakna hi an thirliam ringawt hi a fuhlova, thiltha tamtak Sorkar in a tih te hi fak a, chhemnun hi mipui lam tihtur niin a lang a, mipuiten an aiawh tur a an thlanchhuah te hi lal anga ngaih tlat na hian mipui a tidawi a, an tan a theihtawpchhuah a hmalaksaktu an ni tih pawmthiamna atangin, an hmalakna thlirliam ngawt hi an tihtur a nilo tih an hrechiang thei awm e.
Mipui hian tharum thawh a che rum rum tur an nilova, lungawiloh vanga mahni inchhung bungrua a tuan thin, mihlawhtling an tamlo maithei, hetiang hi nimahse, an tana thatur, an chanvo haichhuaktur erawh chuan theihtawp an chhuah hi an tihtur diktak niin a lang. Sorkar lam pawhin an hmalakna te mipuiin an hriattur chin puanzar kawng ah nasa zawka hma an lak a pawimawh a, tanhona atangin thiltha a chhuak thin si a.
Tags
Editorial