National AYUSH Mission, Directorate of AYUSH, Government of Mizoram chuan an Programme pakhat zing a mi AYUSHGRAM programme hmingin Mizorama AYUSH Health and Wellness Centres 41 zingah Centres 14 thlan bikah programme kalpui mek a ni a.
Vawiin khan Directorate of AYUSH a hotuten Parva – III hi kalchilhin Parva-III Community Hall ah Free clinic te, AYUSH Awareness programme te leh physical and stress management chungchang te kalpui a ni a, damlo mi 184 te hriselna dinhmun an enfiah.
Khawmawi, Thenhlum, Hliappui, Ruantlang leh Vaphai ah te neih chhunzawm leh a ni ang.
AYUSHGRAM Programme hi Theiriat, Thuampui, Chawngte C, Chapi, Noaotlah, Paithar, Tuithumhnar, Damdep ah te neih tawh bawk a, damlo in entir zawng zawngte hnenah damdawi a thlawna sem vek thin a ni.
Parva – III Village Council leh YMA hruaitute chuan lo dawngsawngin, an kha chhunga Free Clinic neih a nih chu an lawm hle a ni.
Tags
News