OFFICE OF THE DISTRICT ELECTION OFFICER
LAWNGTLAI DISTRICT: MIZORAM
Dated Lawngtlai, the 17th April, 2024
PRESS NOTE
AMF
Kum Upa (85+) leh Rualbanlo/Vohbik, Social Welfare Department atanga Certificate nei te tan Polling Station pan ngai loa mahni ina vote an thlak theihnan ruahmanna siam a ni a, hengte hi an awmhmun theuhah pan niin an chenna hmunah vote thlaktir an ni. Hemi bakah hian Kum Upa, kum 85 hnuailam leh Vohbik Certificate nei lo Polling Station a vote thlak ngaite tan Polling Station a intlar ngailoa vote an thlak theihnan ruahmanna siam bawk a ni, hemi atan hian Polling Official te chu hrilh hriat an ni a, vote thlak tura kal lam leh haw lam te pawh inhruai an mamawh chuan PRO te lirthei ken chu a tul dana hmantir turin hrilhhriat bawk an ni.
Tin, Polling Station-ah Official leh Voter-te tana remchang dang heng inthiarna, tui in tur, power supply, furniture leh Polling Official te eiin tur pawh ngaihtuahsak an ni.
Electoral Roll
Naktip maia Lok Sabha Inthlanpui lo awm tur atana Electoral roll hman tur buatsaih hna hi January ni 6 atanga tanin 28th March, 2024 khan inthiana hman turin peih fel a ni. January ni 1, 2024-a kum 18 tling chin te roll-ah hian an lut thei a, tun dinhmunah hian Lawngtlai District pumpui-ah vote nei mipa 46150 leh hmeichhia 46305 awmin a vaiin mi 92455 in vote an nei a, mipa aiin hmeichhe vote nei hi za chuang hlekin tam zawkin mipa 1000 zelah hmeichhia 1003 an awm mek a ni.
Heng vote nei zawng zawng zingah hian PwD voter kan tih ang kha mi 466 awm anga chhinchhiah a ni a, heng zingah hian mi 4 chauh certificate nei mahni ina vote thlak thei an awm a, chung zinga 3 chuan vote an thlak tawh bawk a ni. Tin, Kum 18 atanga 19 inkar hi mi 4905 (5.31%) awmin kumlama upa (85+) hi mi 235 (0.25%) an ni mek a ni.
Lawngtlai District-ah hian Assembly Segment 3 awmin Polling Station 181 kan nei mek a, heng zinga Hlimzawl Polling Staion-ah hian vote 51 awmin, vote nei tlemna ber a ni a, Pangkhua Polling Station-ah vote 1136 awmin vote nei tamna ber a ni.
Tun dinhmunah chuan Electoral roll hi inthlanna atana hman mai theih turin peihfel vek a ni tawh a, Postal Ballot leh EDC te pawh mark fel vek tawh a ni bawk.
EVM/VVPAT
Polling Station 181-a hman atan Polling Station zawng zawng daih bakah reserve atana hman turin BU-119, CU-102 leh VVPAT-140 kan nei a, Sector Magistrate 27 leh SDO(Civil), Chawngte leh Sangau te hnenah a tul dan ang zelin issue tur a ni. EVM leh VVPAT hi kan ngah tawk a, khawl chhe palh a awm pawhin buaina a awm lo turah kan ngai a ni.
Force Deployment:
1. Kan District pumpui hi Zone paruk (6) ah thenin Zone tinte chu Zonal Police Officer ten an vil mek a ni.
2. Sector Magistrate 27 ruat bawk niin chungte chuan Sector Police Officer te nen mahni bial theuh an vil bawk a, inthlan kaihhnawiha buaina leh harsatna a lo awm palha an bial chhunga Polling Official te'n an rawn mai theih tur leh, District Control Room lama thu thien zung zung turin an inring reng bawk.
3. Police lam pawhin Quick Response Team (QRT) pasarih (7) siamin, heng team-ah te hian State Police Officer pakhat leh CAPF Section chanve zel zawmin a tul hun apianga buaina chingfel zung zung thei turin an inring reng a ni.
4. Sub Divisional headquarters pathum (3) vil turin District Striking Force pakhat (1) theuh siam a ni bawk.
5. EVM Strong room, DC Office Complex-a mi chu IR Bn Section khat (1)- in vengin Govt. Lawngtlai College-a mi hi BSF ten engtiklai pawhin an veng bawk a ni.
6. Inbiakpawhna lama harsatna awm thei laka inven nan Polling Station 122 laiah WT set pek an ni.
7. Bangladesh nena kan inri-na leh Myanmar nena kan inri-na chu BSF lch Assam Rifles ten engtiklai pawhin an veng reng bawk a ni.
Sd/-
CHEEMALA SIVA GOPAL REDDY, IAS
District Election Officer
Lawngtlai District, Mizoram