State Sorkar in District Hospital Lawngtlai a Doctor pali a sawnchhuahna Order suttur leh Doctor dang dahbelhtura an ngenna tihhlawhtlin a nih theih nan a Sorkar an nawrna kalzel ah, Central Young Lai Association chuan naktuk khian Lawngtlai leh Bungtlang South ah Sorkar Office,Zirna In leh Bank a kaltur te an dang dawn a, hemi chhung hian Sorkar hnuaia hmasawnna hna thawhmek te pawh chawlturin an ngen
Central YLA hruaitute hian vawiin khan Lawngtlai Press Club ah Thuthar thehdarhtute kawmin, Central YLA President Pu HC Vanlalruatpuia chuan, District Hospital, Lawngtlai ah Doctor indaih lohna a nasat vangin Chief Minister hnen ah ziak leh tawngka a Doctor pali, Gynaecologist, Pediatrician, General Surgeon leh Eye Specialist te dahbelhtur a an lo ngen tawh thu sawiin, dahbelh lova, a awmsa pali sawnchhuaka, midang pathum dahluh an ni chu hriatthiam theih a nilo a ti a, nunphung pangngaiah pawh District hnufual, mipui tamna, Doctor indaihlohna a nasat tawh laiin, Myanmar ram buai vanga raltlan mi singkhat vel Lawngtlai District in a kawllai, Doctor mamawhna a sanzuallai a, Doctor pali sawnchhuah an ni leh midang pathum dahluh an ni chu, District mipuite zahlohna ah Central YLA chuan a ngai tih a sawi.
Central YLA thuneitu sang Central Exeutive Committee chuan hemichungchangah a hmalakna kalzelah, naktuk Nilaini khian Sorkar Office, Bank leh Zirna In a kalturte dan nise an ti a, hmalakna in awmzia a neilo a nih chuan nasa zawkin hmalak chhunzawm an tum tih Chanchinbumite an kawmna hian Central YLA hruaitute chuan an sawi.
Tags
News
CYLA hian a tih tur dik tak a ti niin ka hria..100% support..
ReplyDelete