Consumer Forum in diklotaka Buhfai hralh tihtawp an duh.

      Lawngtlai khawpuia Retailer thenkhat in Buhfai Bag khat   Kg 50 aia tamin an hralh chhuak ni a hriat chungchangah Lawngtlai District Consumer Forum chuan nimin khan Supply Godown an tlawh.

District Consumer Forum hotute hi  Supply Inspector Pu VL.Mawia Khenglawt chuan lo dawngsawngin, Consumer Forum ten Retailer ten Buhfai an sem chhuah chungchang a Bag khat  Kg 50 aia tama   an   hralhchhuak chu a hriatpui loh thu a sawi a, hetiang hi a thlen a hlauh avanga Retailer te pawh fimkhur tur leh dik taka Buhfai mipuia pechhuak thin  tura a hrilh thin thu a sawi bawk.

Consumer Forum te ngenna angin, Godown a Buhfai te chu a bag tha, buk tling ngei nia hriat chu an buk tir a, heng buhfai bag tha pangngai pawh hi Kg 50 tling a awm mang lo a, Kg 48 a ni tlangpui. 

Consumer Forum te chuan  Retailer  thenkhatten Buhfai hmanga mipui an bum duh leh eirukna a mipui sum rawkna nia an ngaih thu he hunah hian an sawilang a, Retailer te pawh an fimkhur loh a, hetiang thil thalo hi an tilui zel anih chuan Court thlenga hmalak an tum thu an sawi bawk. Consumer Forum te hian  DCSO, Pu Lalrinsanga chu   hmu nghal in, DCSO chuan buk dik taka buhfai pe  chhuak turin Retailer te hnena hriattirna alo chhuah nghal tur thu  a sawi a, Consumer Forum hruaitute chuan lawmawm an tih thu DCSO hi an hrilh.