ZORAM PEOPLE'S MOVEMENTS
Lai District Headquarters Lawngtlai Lawngtlai Mizoram
PRESS RELEASE
Lawngtlai, The 20th April, 2022 No.08/ZPM-PR/LDHQ(Lti),2022
Political Party punkhawmnaah 'Guard of Honour' inpek tir hi Police zahawmna tihbawrhbannaah kan ngai.—ZPM Lai Dist. Hqrs Lawngtlai.
Ni 18.4.22 khan MNF President Pu Zoramthanga Chief Minister chuan Lai fate min lo tlawhin, Lawngtlai khaw mipuite tan Public meeting Areopagy Bazaar lunlai bera a nei thei hi a hluin lawmawm kan ti a. Lai ram mipuite tan leh LADC tan thil tha leh hlu tak takte leh hmasawnna tam tak a hrin chhuah ngei kan beisei a ni.
Mizoram State Chief Minister meuhin kum thum dawn hnua Lawngtlai a lo thleng thei hi keini Lairam mipuite hian theihtawpa lo lawm a, lo chawimawi hi kan tih ngei turah kan ngai bawk.
Hetih lai hian, inlawmna hmun leh hunte kan hriat a ngai a. Party pakhat public meeting neihnaa 'Guard of Honour' hun kan hmang mai kha a zialo hle a. Political Party pakhat Programme neihna hmuna kan Police zahawm tak tak, mipui min venghimtu leh kan thlamuanpui em em te kan lamtir duh mai kha Police zahawmna a ti bawrhbang ang tih kan hlau hle a. Chief minister thusawi ngaithlatu mipui an tlem lutuk tur hlauh vang mai mai te hi a ni palh ang tih kan hlau hle a ni.
Hetiang hun hman leh a ngaih hun kan la tawng zel ang a. Inlawmna hun leh hmun te hi kan thliar thiam a, a dawngtu tan pawha zahawm zawka thil kan tih thin hian Lairam tana a zahawm zawk dawn a ni.
Kan CM hi Lairama a lokal leh a nih pawhin, a hun hman tum dante chiang taka hriat tum tawh turin MNF Dist Hqrs Lawngtlai te kan chah a. Tun hnuah chuan sorkar hnathawkte leh min venghimtu kan Police te hi an party programme siamah te telhtir tawhlo turin ZPM Lai District Hqrs chuan kan ngen bawk a ni.
Issued by: Info. & Publicity Department, ZPM Lai District Headquarters Lawngtlai.