Chawngte kawng vangin MLA pathum bangtura phut anni.

        Chawngte kawng chhia vangin Chawngte ah lungawilohna lantir tum a ni a, Chawngte kawng chhia vang hian,  Chawngte a NGO te leh Chawngte Kawng Monitoring Committee ten MLA pathum bangturin an phut

         Chhumkhum leh  Chawngte inkarkawng chungchangah Monitoring Committee leh Chawngte khaw chhunga NGO hrang hrang hruaitute   thukhawm chuan   PWD changtu, Mizoram Chief Minister, Pu Zoramthanga hnena a   Chhumkhum leh Chawngte kawng  [The Lawngtlai Post]  siam ṭhat a nih theihna tur a, hma laksak tura ngenna chu Dt.30, September 2021 thleng pawha ngaihṭhatna leh lungawina tura hmalakna a awmloh avangin, Dt. 1 Oct. 2021 hian lungawilohna lantir nan Chawngte a, Sawrkar Office leh Bank hawng tur an dang dawn.

        Kawng chhiat chungchangah an bial mipui harsatna an ngaihthah a ni tiin, MLA pathum, Lunglei South bialtu MLA, Dr. K. Pachhunga, Tuichawng Bialtu MLA, Dr. BD. Chakma, leh Lawngtlai West Bialtu MLA, Pu C. Ngunlianchunga te chu MLA an nihna ṭangin bâng turin an phût a, Chhumkhum - Chawngte inkar kawng ah hian a  [The Lawngtlai Post]  bik takin Lungrang  leh  Chawngte inkar,  Kilometres 18km chu DPR a alan ang ngeiin siamṭha leh vek turin an phût bawk a ni.

        He hna thawktu, APS Hydro Pvt. Ltd. te chu an hmanrua engmah an hna thawhna hmun aṭangin la chhuak lo turin a hriattir a, heng  an thilphût te hi tih hlawhtlin leh ngaihsak lova an la awm fo a nih chuan   nasa zawk a hmalakna kalpui chhunzawm zel  an tum tih an thuchhuahah   an tarlang.