Phawngpui National Park then fai hna thawk

       Youth Adventure Club, Govt. Lawngtlai College leh Chhimtuipui Wildlife Division, Lawngtlai tangkawpin ni 15th  April, 2021 atanga naktuk Inrinni thleng awhtur,  Phawngpui National Park-ah  Cleanliness Drive Cum Trekking an buatsaih a. He hunah hian Youth Adventure Club, Govt Lawngtlai College zirlai mi 20 vel leh Phawngpui Range hnuai staff te an thawk chhuak a. Zirlai naupangte hian Thaltlang atanga ke-a kalin tlang sang ber thleng an lawn a,  bawlhhlawh an hmuh apiang chhar faiin Forest Department in bawlhhlawh paihna hmun a siamah an paih a ni. Phawngpui NP tlawhtute zingah thil eina kawr leh tui bottle ruak paih mai mai an awm thin chu pawi an tiin, Phawngpui tlang mawina leh Pathian kutchhuak tihhmelhemna niin, chutiang ti tawh lo turin Youth Adventure Club chuan Phawngpui National Park tlawhtute an ngen a ni.

          Plastic bungrua chu nungchate tan a hlauhawm bakah, environment tichhetu a nih avangin Phawngpui National Park tlawhtute chuan Forest Department-in a paihna hmun tura an ruahmanah chauh paih thin turin Phawngpui National Park tlawhtute an ngen bawk a ni. Youth Adventure Club te hi tlang sang ber atanga let lehin Thaltlang thleng kein an let leh a. Ni 16th April 2021 khan Thaltlangah riakin ni 17th April 2021 ah Thaltlang atangin Lawngtlaiah an let leh ang.