Vawiin Inrinni khan Lawngtlai District Rifle Association buatsaihin Central YLA Playground, Lawngtlaiah Airgun Shooting Challenge(.177) neih a ni a, he Air Rifle inkahsiakna hi long range(50mtr) niin Shooter 54 an tel a, Pu Hmangaihkima, Lawngtlai Vengpui chu champion niin points 200 ah 109 a hmu thei a, Dr. Lalmalsawma, Electric Veng chu pahnihna niin points 102 a hmu a, pathumnaah Pu CZ Ramchuana, AOC Veng, Lawngtlai chuan points 101 a hmu bawk a ni.
Tunlai hi Sava inthlah pun hun lai niin Shooter pangngai bakah Sava veh leh ram vak thin te pawhin hetiang hun hi an silai te nuam zawk leh tangkai zawka an hman theihna hun a nih beiseina leh Shooting Sports lamah Lawngtlai District Shooter te an thlensan theih zawkna a nih beiseiin Lawngtlai District Rifle Association chuan a buatsaih a ni.
A vawikhatna mah ni se, a nuamin a ropui khawp mai
ReplyDelete