Nimin March 25, 2021 khan MJA Lawngtlai, Kolasib, Mamit leh Siaha ten Lawngtlai District a khawchhakram te nen insumdawntawnna tur Gate way of South East Asia - Zorinpui leh Chhimtupui a, Meilawng leh Lungmak an tlawh
Khawchhak ramte nen insumdawn tawnna tur kawngpui hi Lawngtlai atangin ramri, Zochachhuah bul a Zorinpui Land Custom Station dinna tur thleng chu lei pariat dawh mek tihloh chu zawhfel a ni tawh a, ramri atanga Myanmar ramchhung Paletwa lawng chawlh hmun thleng Kilometres 109.2 sial hna chu RK-RPP (Joint Venture) ten thawk mekin, cheng Vbch 414 senna tur a ruahman niin, tun dinhmun ah KM 25 chu formation cutting tihzawh tawh niin, KM 5 chu a nihdan tur anga laih zawh a ni tawh
Chanchinbumite zawhna chhangin Kawnglaitu Contractor te chuan Myanmar ram chhungah tualchhungmi leh helpawl atangin harsatna engmah an tawklo tih an sawi a, anni lam pawn mipui tana rotlingtur hna engemawzat an thawhsak tih an sawi
District pali a MJA Member ten Zorinpui an tlawh hnu hian, Hruitezawl chhak a Chhimtuipui a Meilawng leh Lungmak te an tlawh a, khualzin te tan awlsam zawka tlawh a nih theih nan, a panna kawng Ngengpuitlang atanga Hruitezawl inkar chu tun aia tha a siam theih nise an duh thu sawiin, Chhimtuipui lui hausakna chu a nihphung ti chereu lo thei ang ber a hmantangkai nitheise an duh thu an sawi.
Tags
News
Report a ngaihnawm hle mai
ReplyDelete