Krismas leh kumthar vuakvet ah, Lawngtlai a damdawiin pathum bak ah Lairam Motherless Home leh District Jail ten mi inphalte hnen atanga pawisa an dawn chu Rs. 484,855 /- zet a tling.
A kumtelin Lawngtlai ah hian hunpui vuatvet ah midang tan a inpe an pung chho deuh deuh a, Pawl leh thianzaho intelkhawm te, mimal leh kohhran pui leh kohhran hnuai a peng dang te chhetchhuahna hriattur pawh hunpui hmanliamtak chhung khan a tam chho hle a ni.
Hunpui vuatvet ah District Hospital Lawngtlai chuan Rs. 76,930LCMC&H in Rs. 80,317 Christian Hospital Lawngtlai in Rs. 10,7000 an dawng a, Lawngtlai District a hnuchham enkawlna awmchhun Lairam Motherless Home ah December 2019 chhung khan Rs. 278,790 dawngin, Lawngtlai District Jail ah tanpuina lut Rs. 38,120 a awm bawk.
Pawisa fai a tanpuina lut bak ah hian thilpek chi hrang hrang lut a awm a, heng Damdawiin, Home leh Jail a thilpek pek bak ah hian, mimal khawsak harsa leh chhumchhia zawk te hnen a krismas thilpek hlan tamtham tak a awm bawk a ni.
Tags
News
Ava han lawmawm em 👍👍👍
ReplyDeleteA ropui takzet a ni. Thilpek hlantute zawng zawng Pathianin a let tam takin malsawm zel rawh se.
ReplyDelete