Zangnadawmna an ngiatna kalzelah Lawngtlai District Land Owners Association ten SE leh EE, Multi Modal Division Office an kalh.

Kaladan Multi Modal Transit Transport Project  kawngpuiin a tihchhiat ram neituten Zangdawmna  an ngiatna kalzelah PWD ten Revised DPR an siam hnawl a nih vangin,   Lawngtlai District Land Owners Association ten vawiin khan S.E leh E.E, PWD Multi Modal Division Office,  Lawngtlai    an kalh.

Ram neitu intelkhawm hruaitu Pu T.Zatlunga chuan kum tamtak chhung Zangnadawmna ngiata an lo beih tawh thu sawiin an hruaitute Jail ah hial khung an lo tawh a, hmalakna kalzel ah kum 2020 ah High Court in ram neitu diktak mi 138 te chu Zangnadawmna pektur a tih hnu ah, Ministry of Road Transport and Highway pawhin pek turin a ti a, Environment, Forest and Climate Change lamah harsatna an neih pawh Ministry lamin chingfelin, Mizoram PWD chu Revised DPR siamtura tih niin,  PWD, Multi Modal Division lamin Revised Estimate an siam chu Chief Engineer, PWD atangin hnawl a ni chu hriatthiam theih a nilo a ti a, heivang hian S,E leh E.E Office chu tiamchin awmlovin an kalh tih a sawi.

Lawngtlai District Land Owners Association hruaitute chuan kawngpui dan tumin ruahmanna an nei tih sawiin, Bawrhsap ngenna vangin kawngpui dan chu an sawnhla niin an sawi a, tuna PWD Office an kalh chu Sorkar lam nen indawrna mumaltak an lungawina tur  a awm hun ah an hawn mai tur thu an sawi bawk.