.jpg)
Raltlan vanga inhnialna hrang hrang Social Media ah a tawp hleithei lova, mahni awmhmun atangin duh hawi zawng zawnga zeldin thubawl nena rak ta mai mai lah hmuhtur an awm nual bawk nen, Lawngtlai chu Raltlante tana chep leh Raltlante pawh hnar ang lek leka a rikchhuahna pawh a awm nual ta mai.
Tun dinhmun ah Lawngtlai District ah hian Raltlan, Myanmar 6064, Bangladesh 1361 an vaiin 7,425 awm angin chhinchhiah an ni a, hengte hi mumal takin Sorkar leh Village Council / Tlawmngai pawl ten an chhinchiah an ni a, a tak takah chuan Raltlan anga ngaihtheih si, Raltlan anga chhinchiah nisilo hi engemawzat an awm bawk tur a ngaih a ni.
Heng Raltlan, mumal taka chhinchiahte hi Refugee Camp leh mi In luah a khawsa te an ni a, a tamzawk daih hi Camp a awm an ni a, heng Raltlante hian a rammite lak atangin harsatna an tawklo ringawt a nilova, an belh khua ten chhawmdawlna chi hrang hrang nen an enkawllai an ni zawk a, Sorkar pawhin kawng hrang hrangin a ngaihvenin a ngaihsak laite an ni.
Tunhnaia Inluah phalloh ti hi mahni duhdan dan a chhuizawna, inmawhpuh kual nan leh Raltlante laka ngilneihna neihloh chu thuhran, an chungah hleilenna ang ziazanga mahni duh dan dana lo chhuizawn hi a fuh loh in, heihian a tumber chu, phalna neilova ramdangmi, duh duha vakkuala, Inluaha khawsak a remlo zawk a ni, heihian Rakhine an ni emaw, Kawl an ni emaw, Chin an ni emaw, an sahim nana inkaihhruaina dan hnuaia lutte chu englaimahin Lawngtlai hian a hnar ngailova, a tuamhlawm zawk thin.
Dan kalha ramdangmi zalen taka an awm leh an duh duha ramri kana an lut hi Lawngtlai hian a hrana a khap ngai lovin, dan in a remtihlohsa a ni a, a rammite himna thuitak ngaihtuah chungin he dan awmsa hi inhrilh thar nan thuneitu lamten tan an la thar hi, khua leh tui diktak te ah hrethiamlo an awm lova, heng thu rawn chingpawr thintute hian a thulaimu an manlo a nihloh chuan Lawngtlai in Raltlante duat taka a enkawllai boruak tihchhiat tumna a nithei.