Lawngtlai khawpuiin kawng hrang hranga hmasawnna a neih nana beihpui thlakna Tho Law Dir Tuah (Stand up Lawngtlai) hnuaia hmalakna thenkhat nizan khan Bawrhsap leh Central YLA hruaitute leh MJA Lawngtlai ten an tlawh.
He beihpui thlakna a hmalakna pakhat Nizung chakna hmanga kawther tien kalpui mek chu Bazar Veng, Areopagy chhehvel a mi an tlawhna ah Bialtu MDC, Pu Lalropuia Chinzah leh Branch YLA leh Village Council teh Bawrhsap hova hmalakna entute hi lo dawngsawngin, Solar Street light chuan kawthler a chei piahlamah Lawngtlai khawpuiin Kawlphetha a hmuh thatloh thin vangin a tangkai hle tih khawtlang hruaitute chuan an sawi a, kawngpui daidanna (Road divider) siam pawh lirthei chetvel dan a khuahkhirh tha an tihthu te an sawi a, hmalakna tur pawimawh dang hrang hrang an sawiho.
Bazar veng khawtlang aiawhte chuan an huamchhunga Telephone leh Cable TV leh Internet hrui inzamhnawk nasa lutuk chu ngaimawhawm an tih thu sawiin ,Bawrhsap chu hmalaksak turin an ngen a, Pu Donny Lalruatsanga chuan lo enzui a tum thu a hrilh.
Bazar Veng bialtu MDC Pu Lalropuia Chinzah chuan Bazar Veng chu Lawngtlai hmel.lanna pawimawh a nih vangin Village Council, Tlawmngai pawl.leh veng mipui ten mumal zawk leh awmzenei zawka inrelbawlna leh faina leh thianghlimna ah te hmalak a nihtheih nan theihtawp an chhuah tih a sawi
Tags
News