Lawngtlai khawpuiin Faina leh Thianghlimna a hma a sawn theih nana infuihtharna leh hmalak dantur zirhona, vawiin khan Lai Autonomous District Council a Chief Executive Member Pu C.Lalsawmzuala hovin ,DC Conference Hall ah neih a ni.
Lawngtlai Bawrhsap Pu Donny Lalruatsanga kaihhruaiah hian CEM chuan Lawngtlai khawpui chuan Faina, Thianghlimna leh mumal leh awmzeneia bawlhhlawh sawngbawl turin hmabak a nei nasa tih sawiin, helam hawia hmalakna chu District Administrator leh LADC chuan pheikhai rual takin a kalpui mek chuan hmalak a tiphurawmin, Village Council, Tlawmngai pawl, Kohhran leh mipui ,kan vaia tel vek theihna tura hmalakna kalpui a ni chuan awmzia nasatak a neih a beisei thu a sawi a, CEM chuan tuna kan fai hian kan ram, kan khawpui hmalam hun kan ruahman lawk a ni tih hrechungin theihtawp chhuah tul a tih thu a sawi.
Bawrhsap Pu Donny Lalruatsanga chuan Faina leh thianghlimna lama hmalakna hrang hrang Lawngtlai ah kalpui mek ah Tho Law Dir Tuah (Stand up Lawngtlai), Bawrhsap Award leh CEM Award te chu hlawm lian takin kalpui a ni a, a hlawhtlinna pawh tamtak kan hmuchhoin a phurawm hle a ni a ti.
He hun ah hian Village Council, Tlawmngai pawl leh Kohhran hrang hrang Thalai hruaitute an tel a, mithiam ten Solid Waste Management Rules 2026, Plastic Waste Management Rules 2016 leh Mizoram Cleanliness Competion chungchang an sawifiah bakah, hmalak dan tur leh hmachhawp neihte an sawifiah.
Tags
News