.jpg)
Lawngtlai DC chu Delhi lamah sawn a ni a, Sorkarin tangkai zawka a hmantheihna tur hmuah adah ni ah ngai ila a hahdamthlak huai thei.
Mahse, helai Lawngtlai District ah tuna DC nilai hova hmalakna kalpuilai leh hmachhawp la intiang urh maite en chuan, an sawn hun hi a hunlo takzet thung.
Lawngtlai khawpuiin awmzeneia hma a sawntheih nan a LADC nen tangkawpa Tho Law Dir Tuah hnuaia hmalakna ringawt pawh hi, Striker thaber tellova Final khelh tum ang deuh a nihna lai a awm dawn.
Sorkar hian a hnuaia hnathawktute hi mipui tan engchinnge hna an thawha, ram mipuiten an thlakhlelhnate leh District tan an tangkai dante thlir chungin thil a kalpui lemlo a nih a rinawm a, mithenkhat ten mitha kan neih apiang an lachhuak zel an han tite pawh hi dik famkim kherlo mahse, tuna DC sawn a ni hian a dikna chin lai a awm tih erawh a tifiah thung.
Lawngtlai DC tur chuan Tapchhakzawla duhtawka titipui theih, kan ziarang hria, mahni a thahnemngaihna chang kan hriatloh pawha a zai zuia min nawra, hmahruaitu ni thei mamawhna a sang a, heihi tuna DC sawn a nitih a tlangthan ruala mipuiin an uithu an sawi sup sup nachhan pawh a nih a rinawm.
Sorkar hnathawk an ni a, thuneituten an sawn thei miau a, zawhna erawh a awm nual thei, engtitur innge Sorkar hian DC atan arawn dah, hetiang khawpa hmachhawp neih laia alachhuak leh lawisi hian, District in hma a sawn chho mek ngaihpawimawh lohna lam a hawi em lovang chu maw.