DC, CEM leh mipawimawh dangten Overnight Parking an enfiah.

Nizan (May 15, 2026) khan Lawngtlai Bawrhsap leh LADC a Chief Executive ten Lawngtlai khawpui chhunga zanlama Lirthei dahdan an enfiah.

LADC Sorkar chuan kawngpui dalin zankhuaa lirthei dah a remti lova, hmalakna kalpui turin Veng tina Village Level Parking Management Committee din niin, an hmalakna te hi nizan khan Bawrhsap leh CEM hian khawpui fangchhuakin an enfiah a, Bawrhsap leh CEM hi Pu Lalropuia Chinzah Executive Member LADC bakah State leh Council a Official pawimawh leh Chanchinchinbumiten an tawiawm.

Kawngpui dala Lirthei dah mumal hmuhtur a awm lova, Vengtinah zantin khawtlang hruaitutem kawngdal a lirthei dahte vaiin, dan zawmlote chu Council Sorkarin chawitur a bitruk zat an chawi tir thin.

CEM Pu C.Lalsawmzuala chuan an hmalakna chu mipuia chhiah khawn tumna a nilo tih sawiin, khawpui hmelhmang mawi leh inenkalwna tha, mipui himna atana hmalakna a ni tih a sawia, Sorkar hmalakna mipui lamin thattaka an zawm vangin lawmthu a sawi..

Bawrhsap Pu Donny Lalruatsanga pawn Lawngtlai mipui ten dan an zawmthat vangin reilote chhungin Lawngtlai in hmelthar a hmutan tih sawiin, Stand Up Lawngtlai hnuaia kawng hrang hranga Lawngtlai khawpui hmasawnna tura hmalakna ah State Sorkar leh LADC, Tlawmngai Pawl leh mipui an phur chho chu lawmawm a tih thu a sawi bawk.