Central YLA in Parva-I bula Ramrilung an phun vangin BJP, CADC hruaituten Governor an hmu.

Central Young Lai Association in Lai Autonomous District Council leh Chakma Autonomous District Council ramri ni a an ngaih, Parva-I bul a February 13, 2026 a Ramri lung an phun chu  a diklo tih vawiin khan Governor, General Vijay Kumar Singh (Retd.) hnen ah BJP, Chakma Autonomous District Council hruaitu pahnih, President Pu Durjya Dhan Chakma leh Vice President Pu Doyal Chandra Dewan  ten an thlen.

BJP, CADC thuchhuaha tarlan a nihdan chuan Ramri lung Central YLA in an phunna chu CADC chhung a nih thu tarlangin, heihian Lai leh Chakma inkara in unauna thatak awm thin chu a tiderthawng thei niin an tarlang a, Ramri chungchang chu Dan hnuaiah  chingfela, a siamfel theitute kutah awmse an duh thu an sawi.

BJP, CADC ten an tarlan dan chuan Kum 1972   Pawi-Lakher Regional Council atanga LADC leh CADC a pian hnuah Joint Boundary Verification din niin, khatihlai a CADC a CEM Pu Nilmoni Chakma chu CADC aiawhin a tel a, engmah ramri chungchangah sawibuai a awmlova, Ramri diktak chu Pawi-Lakher Autonomous Region (Re-Organization) Order 1972 ah chiang takin a inziak tih tarlangin, Survey Height Point 405-na Sanghatuilo Lui chu ramri diktak a nih thu an tarlang.

BJP hruaitute chuan Governor chu    Ramri diktak tichianga chhuifiah turin an ngen a, Central YLA ten Ramri lung an phun pawh phawi a nih theih nan hmala turin Governor hi an ngen.

BJP, CADC thuchhuah a tarlan a nihdan chuan Governor chuan BJP, CADC hruaitute thuthlen chu nguntaka ngaithlain, hmalak a nihtur thu a lo hrilh.