Khuallian chuan thusawiin, "Mizoram chu ram hausa kan la ni lova, Kan zirna sikul neih chhunah te pawh zirtirtu kan la indaihlo nasa hle a, chutiang karah chuan Mizoram Samagra Employee-te inpekna leh an hnathawh ṭhin hi a ropui ka ti takzet a. Zirlai naupangten zirna mumal tak an dawn theihnan leh, an zirna a an hlawhtlin ngei theihnana theihtawp chhuah ṭhintu Zirtirtu zahawm tak takte hi fak an phu ka ti hle." a ti
A sawi zel naah, 'ZPM sawkar in Mizoram zirna in hma a sawn theih nan tiin aikal lak kan ti tawp a, hei hian nasa takin rah duhawm a chhuah mek a ni, a ti a. Education Minister Dr Vanlalthlana hmalakna in zirna hmasawnna zel nan sawrkar in nasa takin hma ala chho mek a. Sawrkar hmalakna hrang hrangte hi amah in a hlawhtling ringawt theilo, a ti hlawhtlintu tur zinga pawimawh em em chu kan zirtirtu duhawm tak tak te in ni tih hria a, sawrkar hmalakna thlawp a theihtawpa hma min lak pui turin ka sawm che u a ni.' a ti
Posting chungchangah mahni parent post ah awm hram hram kan tum a pawimawh hle a. Mahni awmna tur post a awmlo a, midang thiam lemlo ai kal a kan chhawr ṭhin vangin kan zirna in hma a sawn loh phah ṭhin a. Kan sawrkar hian Lawngtlai District hi a ngaipoimoh hle a. Samagra hnuai aṭang ringawt pawh sum tam tak sengin zirna tih hmasawnnan hnathawh tawhna ni a, hnathawh tura ruahman engemaw zat a la awm bawk.' a ti.
Dr. Lorrain Lalpekliana Chinzah chuan, 'Kan ram hian zirlai ṭha, a thil zir chhuah leh thiamna hmang ṭangkai thiam - kan ram leh khawtlang harsatna sukiang theitu tur kan mamawh a. Chutiang zirlai chherchhuah hna chu Mizoram Samagra Employee te kutah thui tak a innghat a. Kan ram leh hnam hma hun hi zirtirtu kutah thui tak a innghat a ni tih hria a, nasa leh zual zawka ṭan la thar leh turin zirtirtu zawng zawngte ka chahin, ka ngen bawk che u a ni.' a ti bawk.
Tags
News