Thlaleh March 12 a Chakma Autonomous District Council a Village Council inthlanna neiturin ruahmanna hrang hrang, tluangtaka kalpui mek a ni.
State Election Commission chuan CADC a Village Council inthlanpui neihtur hi February 14 khan a puang a, February 19 atangin inthlanna chuhtumte tan hmingpekluh theih niin, khua leh veng hrang hrangte chu Returning Officer ten an thutchilh a, nimin kha hming pelut, inhnukdawk duhte tan huntawp niin, chawhnu lam ah inthlanna a chuhtumte chhinchhiahna (Symbol) tihfel a ni.
Chakma Autonomous District Council hnuaiah hian Village Council 88 awmin, a duh apiangte chuhtheih General Seat 428 awmin, Reserved Seat 88 nen Chakma Autonomous District Council ah hian VC Seat 516 a awm a, March 12, 2025 zing dar 7 atang tlai dar 4 inkar ah mipuiten vote an thlak anga, hemi zan hian Vote tlate chhiar nghal a ni dawn a, inthlanna hi a pumpuiin March 18, 2025 ah zawhfel vek tur a tih a ni.