Lawngtlai khawpui chu National Highway 54 in a paltlang niin, a bikin bungraw phur motor te leh truck lian ten khawpui chhung paltlang thin chu mihring himna a tihderthawn bakah khawpui a tihchep avangin Lawngtlai khawpui hêla lirthei tlanna tur bypass road ruahman a ni a. He kawngpui siam hna hi NHIDCL-in a thawk mek a, Project Manager MD Ziaur Rahman hnen atanga thu dawn danin he project hi November 20, 2020 a tan niin March 2025 a zo thei tura beisei a ni.
Lawngtlai khawpui helna tur kawngpui hi AOC veng, Lawngtlai a Mizofed Filling Station atanga intanin 71 RCC Camp bulah a chhuaki National Highway 54 a pawh a, Kilometres 5.8 a thui a ni.
Mizofed Filling Station atangin KMMTTP road chu Kilometres 3.5 a zawh a, hetang hian kawngpui thar National Highway 54 pawh turin Kilometres 2.27 sial niin kawngpui zau zawng hi Metres 12 niin, cheng vaibelchhia 31.14 senna tura ruahman a ni.
Bypass hi zawh fel a nih hnuah contractor-in kum 4 chhung a enkawl ang a, chumi hnuah sawkar kuta hlan a ni ang.
Lawngtlai khawpui helna tur hi a nihdanturin peihfel la ni chiahlo mahse, tun dinhmun ah tangkai takin hman a ni tawh.
- Hmingthantluanga
Tags
News