Nizan lam a Video darhah Lawngtlai By Pass Road a tlakdal (Parapet) siam chhe lutuk, kut lawng pawh a kheuh thlak maitheih ni a lang chu vawiin khan MJA Lawngtlai District te chuan an hmun ah an enfiah.
MJA te hi chawhma dar 11 ah By Pass Road hi an thleng a, nizan lama Video darh chu kawngthlang lam ah khawl hmanga nawrliam vek a lo ni tawh a, nawrliam a nih hun hi hriat ni chiahlo mahse, tukin zing lam ah emaw a nih a rinawm.
The Lawngtlai Post thudawnna pakhat ah chuan helai Parapet thalo hi Lawngtlai DC thupekin nawrchhiat a ni.
Helai kawnga Parapet dangte pawh MJA hruaituten an en chin ah chuan tlema rinngam deuhtur awm mahse, a tlangpuia thlir chuan hmanraw thalo, a nihdantur anga hnathawhloh niin an hria a, thuneituten aranglamin hmalase an duh thu an sawi.
Lawngtlai khawpui helna tur hi November 20, 2020 ah thawhtan niin,March 2025 ah zawhfel tura ruahman niin, tunah hian hna hi zawhfel thawhkhat a ni tawh a, By Pass Road hi KMMTTP kawngpui atanga National Highway , 71 RCC Camp a pawhna thleng hian Kilometres 2.27 a thui niin cheng Vaibelchhia 31.14 senna tura ruahman a ni.
Tags
News