Krishi Vigyan Kendra (KVK) Chawnhu, Lawngtlai chuan kawng hrang hrangin Buh leh thlai chin leh tharchhuah kawngah midang zirtir leh kawhhmuhin hmalakna an kalpui renga, an hmalakna peng pakhat, Chuktuah huan (Nutri Garden) chu hlawhtling takin kalpui theih a ni tih tilangnawnin, an Office Complex a Chuktuah huan an siam chu vawiin khan Government Primary School, Chawnhu a Zirlai leh Zirtirtuten an tlawh.
KVK, Chawnhu, Lawngtlai te hian tuntuma Nutri Garden an siam hi School naupang chhun chaw (Mid Day Meal) atan an ruahmanlawk niin, an thlai chin te sengtheih a nih tak vangin vawiin khan Government Primary School, Chawnhu a Zirlai leh Zirtirtute chuan Nutri Garden hi tlawhin, KVK mithiamten, mahni In bul leh daihnai, hmunawl remchang ah hlawhtling taka thai tharchhuah maitheih a nih thute, mahni intodelh nan a tangkai a nih thute Zirlai naupangte hi hrilhfiahin, thlai an enkawldan tlangpui an sawifiah bawk.
KVK ten Chuktuah huan an siamah hian Badam, Carrot, Brocolli, Parbawr, Tomato, Knolkhol leh Motor chana te an chinga, a seng theih ang ang vawiin khan sengnghalin, School naupang chhun chaw atan an pe nghal.
Government Primary School, Chawnhu Headmaster chuan KVK Chawnhu, Lawngtlai ten Zirlai naupangte thlai chindan ah kawng thatak an kawhhmuh leh an thlai tharte an Zirlaite tan an pe chu lawmawm a tih thu a sawi.