Chief Executive Member in South Lungpher Middle School Diamond Jubilee lawmna a hmanpui.

Lai Autonomous District Council a Chief Executive Member, Pu C.Lalmuanthanga chuan vawiin khan South Lungpher Middle School Diamond Jubilee lawmna a hmanpui

Pu C.Lalmuanthanga chuan  Zirtirtu, Zirlai leh mipuite Diamond Jubilee chibai bukin duhsakna a hlan a,  South Lungpher Middle School in kum 60 hmel a hmuh theih nan he School tana thahnemngai taka  enkawltute leh khawtlang mipuite thawhrimna leh neitu chanchanga an inpekna chu chhuanawm a tih thu a sawi a, ram leh khawtlang rawngbawlnaah pawh taimakna leh tihtaktakna tello chuan a hlawhtlinna  tak tak hmuhtur a awm thinlo tih Chief Executive Member chuan sawiin, Zirlai naupangte chu an zirlai piahlamah an zirlai tibuai theitu lakah an inthiarfihlim thiama, mahni inthununna nen tihtakzeta an zirlai zirtur a fuihin, ram leh hnam, khawtlang leh chhungkuain a tangkaipui tura zirchhuak turin duhsakna a hlan.

Pu C.Lalmuanthanga chuan tanrualna atangin thiltha a chhuak thin tih sawiin, South Lungpher Middle School tana thawktute leh mipui inpekna chu nasa zawka chhunzawmzel a nih chuan he School hian mihlawhtling tamzawk a chherchhuak ngei dawn a ni a ti.