Tunkar chhung khan Jawahar Navodaya Vidyalaya (JNV) School, Sihtlangpui, Lawngtlai District a zirlai naupang ten KVK Chawnhu ah exposure visit, ni thum chhung an nei.
JNV School naupang 120 chuang batch hrang hrang a in thenin Ni thum awh exposure visit cum vocational training, KVK Chawnhu ah neih ah hian school naupangte tana hriattur pawimawh tak tak a thu (theory) leh atak (practical) a zirtir an ni a, KVK Chawnhu a research hrang hrang neihna hmun te an tlawh bawk.
KVK, Chawnhu a thawk Subject Matter Specialists hrang hrang ten JVV sihtlangpui a zirlai an hmunhma leh hmalakna tlawhtute hi an hriattur pawimawhte zirtirin an hrilhfiah a, a theih chin chinah Zirlaiten an thiamve theihturte chu a taka tihchhinpui an ni bawk.
Jawahar Navodaya Vidyalaya school naupang te chuan KVK Chawnhu a exposure visit cum vocational training an nei chu an hlawkpuiin an zirna puitu tha tak a nih bakah hun kal zel turah kawng kawhhmuhtu tha tak a nih ngei an beisei thu an sawi.