Khawtlang nun, Eizawnna leh zirna lamah hmasawn zel turin rilru hmunkhat i pu ang u. - Pu C. Ngunlianchunga Lawngtlai West MLA in ati.Vawiin khan Chawngte 'P' Platinum Jubilee lawmna, Lawngtlai West MLA C Pu Ngunlianchunga hovin neih a ni a, Pu C. Nunglianchunga chuan, he khua sat eng a, dintu leh theihtawp chhuaha lo kaihruaitute zahna chibai bukin mipui kalkhawmte Platinum Jubilee chibai a buk a, Chawngte 'P' hian kum 75 hial alo tling ta a, eizawnna leh zirna lamah pawh hma i sawn zel ang u. Politics thli chhia leh tui nu a inchiah lovin, pawl, kohhran leh Party hrang hrang te pawh ni ila, khawtlang tan rilru hmun khat i pu zel ang u a ti. Kan khawtlang hi thangthar te kutah a in nghat tawh a, khawtlang hmangaih a, kan khawtlang tan hmasawnna kawng i dap zel ang u. a ti.
Khual zahawm LADC Executive Member leh Bialtu MDC nibawk Pu Andrew Laltlanzara pawhin thu sawiin, Zirna lamah hmasawn tura thahnem i ngai thar leh Khawtlang hmasawnna chak leh tha zawk an neih theih nan, hna sang leh tha thawk thei turin zirlai te a fuih a, Khawtlang faina leh thianghlimna lamah chak taka hmasawn tur leh khawtlang nuam siam turin mipuite thawhho puiah a sawm.
Lawngtlai District chhung, Chawngte 'P', Platinum Jubilee lawmna hun hi Chawngte 'P' Mini Sports Complex ah hman niin, Pu C. Lalhmunmawia'n a kaihhruai a, He khaw sat engtu Pu Kuaichika tupa Pu Thangkhuma chuan Jubilee Lungphun a hawng a, Jubilee Organizing Sectetary Pu M. Lalhuliana'n Pu Kuaichika chanchin a sawi bawk. Zaithiam zai leh hnamlam te thlir ho a ni a, Chawngte 'P' khawchhunga Kum 75 tling chinte hnenah lawmpuina thilpek hlan a ni bawk a, tlai lamah Jubilee ruai an kilho.
Tags
News