Vawiin khan DC Conference Hall, Lawngtlai ah KVIC leh DIC, Lawngtlai tangkawp buatsaihin PMEGP Awareness Campaign neih a ni a, Lawngtlai DC, Pu Cheemala Siva Gopal Reddy chuan he hun hi a telpui.
Lawngtlai DC chuan Sorkar laipui chuan rammipui dawmkanna tur Scheme hrang hrang a kalpuite chu tangkaitaka hman a tul thu sawiin, PMEGP chu mahni a eizawnna bultanna tur harsate tan Scheme tangkai tak a ni tih a sawi a, Lawngtlai District chu Ar leh Artui, Sangha leh tualchhunga neihtheih tamtakah a la intodelhlo hle tih sawiin, hnathawktuten PMEGP kaltlangin helam hawia hmalakna hi uar a tul tih a sawi.
PMEGP Awareness Campaign ah hian Shri Nilimesh Sarkar, Executive, KVIC chuan Power Point Presentation neiin PMEGP Loan kalphungte, Online hmanga loan dildan leh PMEGP a hriattur paiwmawh te a sawifiah.
He hun ah hian Bank lam hotute pawn thusawiin, loan diltute hnawl an nihna chhan hrang hrangte he huna telte an hrilhfiah a, hriatthiamloh neite tan zawhna hun siam niin, PMEGP chungchanga hriattur pawimawhte chiang takin hrilhfiah an ni.