KMMTTP Zangnadawmna buai chungchangah Dr.K.Beichhua, MLA leh Pu Delsona ten Sorkar laipui a EF&CC hotu a hmu.

Kaladan Multi Modal Transit Transport Project hnuaia Lawngtlai atanga Myanmar pawh a kawngpui sial National Highway 502 'A' a ram neitute zangnadawmna pek an la nihloh chungchangah nimin khan Siaha bialtu MLA, Dr K.Beichhua chuan Pu Jitendra Kumar Director General of Forest & Special Secretary, Ministry of Environment, Forest & Climate Change, chu New Delhi a hmuin ram neituten harsatna an tawh sukianturin a ngen.

Dr.K.Beichhua hi Pu Delson-an tawiawmin, Multi Modal kawng in a tihchhiat ah mimal ram nilo, Degrated Jhum Land Hactare 181.61 awm anga EF&CC lamin an lo chhinchhiah chu a diklo tih Director General of Forest & Special Secretary, Ministry of Environment, Forest & Climate Change chu hrilhin, hemi huamchhungah hian mimal ram tamtak a awm thu leh Anti Corruption Beareu pawhin an ram pass te a enfel tawh thute High Court pawhin zangnadawmna pektheih a nih thu a tihchian hnu ah pawh, Central Sorkar a EF&CC lamin mimal ram chhungah ram zautak an hauh tlat chu thil dik a nihloh vangin an ram hauh chu sutturin an ngen a,...

Director General of Forest & Special Secretary, Ministry of Environment, Forest & Climate Change Pu Jitendra Kumar chuan thil awmdan lo enchiana, ram neituten harsatna an tawh chinfel a nihtheih nan theihtawp chhuah a tumthu a lo hrilh.

Hetianga mimal thahnemngaihna a an harsatna sukiang tura theihtawpa hmalaksaktute chungah Lawngtlai District Land Owners Association chuan lawmthu an sawi.