Mizoram Indigenous Games hi Doordarshan Aizawl bultumin Mizoram Indegenous Games Association leh Central Young Lai Association te nen tangkawpa huaihawt niin, Mini Sport Complex, Electric Veng Lawngtlai leh Chandmary Inpui ah te neih niin nimin khan Lawngtlai BDO Pu Collin Hlychho chuan hawngin, vawiin khan Lai Autonomous District Council a Sport & Youth Officer Pu B.Lalhnuna hovin khar a ni.
Khuallian Pu B.Lalhuna chuan tualchhuak infiamna hmanga intihsiakna Lawngtlai District ah buatsaih a ni chu lawmawm a tih thu sawiin, khawvel hmasawn zelin hnam infiamnate a eiral mek karah a chawinun nana hmalatute an fakawm takzet a ti a, Indegenous Games chu chawinun ngai a ni a, a chawinun kawngah mitin kan pawimawh a ni a ti a, District danga telhloh, Lai Paih infiamna Lawngtlai District a telh a ni chu lawmawm a tih thu a sawi bawk.
Mizoram Indigenous Games, Lawngtlai District a neih ah hian Inbuan, Insuknawr, In arpa thai, Inkawibah, Insaihruipawh bakah Lai paih ah te intihsiakna neih a ni a, heng infiamna a titha te hnen ah vawiin khan khuallian leh he hun a tel mipawimawh ten lawmman an sem.
Lawngtlai a Indigenous Games 2024, Branch YLA te tana intihsiakna neih ah hian Lawngtlai khawpui chhung atangin Branch 9, khawpawn atangin Branch 5 an vaiin YLA Branch 14 telin heng infiamna ah hian infiammi 129 an tel.
Tags
News