.jpg)
Lai Autonomous District Council a Dy.CEM(Designate), Executive Member Pu Sanghuliana Mualchin chuan vawiin khan Lungtian ah Independence Day lawmna hmanpuiin Hnam puanzar a pawtpharh.
Pu Sanghuliana Mualchin chuan zalenna sualtu Hnam pasalthate zahna chibai bukin, Lungtian bial mipuite duhsakna a hlan a, tha thlah lova ram tana beihtute vangin India ram chu sakhaw hrang hrang zalenna ram, mipui rorelna ram ropui ṭhang duang tak leh khawvel ramdangte zah kai a ni mek a ni a ti.
Kuallian chuan bial mipuite chu, mipui aiawh tura thlante zai ngaia awm thil tha anih thu leh mipui tan zawk thlantlin te chu kan aiawh an nih avanga, ngaih pawimawh tul atih thu asawi a, khawtlang inrelbawlna leh hmasawn theihna tur kawngah bial mipuiten an aiawh tura thlantlin anih angin theih tawp achhuah tur thu asawi bawk a, sawrkar hmalakna hrang hranga hmasawnna hrang hrang leh an hnathawh la puitlin loh awm te leh an hnathawh vanga khawtlang hmasawn tawhna te a sawi bawk a ni.
Lungtiana Independence Day lawmna ah hian Parade contingent pariat ten Hnam Puanzar chibai an buk chu Pu Sanghuliana Mualchin hian a chhanglet a, intih hlimna chi hrang hrang buatsaih a niin, bialtu MDC Pu Sanghuliana Mualchin chuan thil pek leh tanpuina engemawzat a sem.
Pu Sanghuliana Mualchin hi Executive Members Pu L Daniala leh sawrkar mi pawimawh thenkhat ten an tawiawm.