Jt.NGO Chawngte in Sorkar an ngaichang, an lungawiloh chuan Independence Day boycott an tum.

Vawiin khan Joint NGO Chawngte chuan Community Service Centre Chawngte 'P' ah Joint meeting neiin, Chawngte CHC leh Police station a thawktu leh an mamawh dangte dahbelh sak tura an ngenna leh, Chawngte khawchhung kawng siam chungchang sorkara an thlen chungchanga hmalak zel dan tur an sawiho.

He meeting ah hian Chawngte khawtlang mamawh sorkara an thlen chungchang report ngaihthlak ni in, Home Department atanga police 8 Chawngte Police Station  ah dahbelh sak an nih thu sawilan a ni a,  PWD Minister hnena Chawngte khaw chhung kawng chungchang an thlen chu duhthusam a sorkar atanga hmalakna a awm loh thu leh,  Health Minister hnena an thlen, Chawngte CHC a thawktu leh hmanraw   indaihlohna chungchangah pawh hmalakna duhthusam ala awmloh thu sawilan niin,  an mamawh an thlen angte a hlawhtlinna Ni 13 August thlenga an la hmuhloh chuan, Chawngte ah kumin 2024 Independence Day chu Boycott  nise  an ti.

Joint NGO Chawngte chuan  July 18 khan  Press conference ah Mizoram sorkar hnena an khawtlangin an mamawh chi hrang hrang an thlen chungchangah, Dt.13.8.2024 thleng an ngaihchan tur thu anlo sawi tawh a ni.

Chawngte Joint NGO ah hian Chawngte khua NGO lian zual YMA Branch leh Group, YLA Branch leh Sub Headquarters, CYCA, LDSA, MCSU, MSU, MZP, Central Chakma Mahila Samiti bakah Chawngte P Thalai Pawl te an tel.