Vawiin khan Lawngtlai Press Club ah Lawngtlai Auto Rickshaw Owner Association (LAROA) chuan an pawl Member, tunhnaia Village Council inthlanna neiha thlantlin mi 15 hnen ah lawmpuina thuziak an hlan.
He hun hi Pu, H. Laltlanchhunga, Asst. Secretary LAROA chuan kaihruaiin, an pawl President Pu C.Zathianga chuan an Member nilai mi 15 laimai Village Council inthlanpui neihah thlantlin an ni chu Lawngtlai Auto Rickshaw Owner Association chuan an chhuang takzet tih sawiin, thinlung takin an lawmpui a nih tih tihlannan an pualin hun buatsaih a nih thu a sawi a, Lawngtlai Auto Rickshaw Owner Association President chuan Auto Rickshaw khalh thinte chu khawtlangah pawh enhniam hlawhfo thin, khawsak harsa te te an ni tih sawiin, an Member atangin mi 15 laimai khawtlang enkawl hna thawktura VC inthlanna ah thlantlin an ni chuan an Association dinhmun pawh a dawmkan ngei a beisei thu a sawi.
Lawngtlai Auto Rickshaw Owner Association Member VC a thlantlin, vawiin a lawmpuina hlan te chu
1, Pu, R. Lalchamreia - Electric veng.
2, Pu, A. Sangvela - Thingkah
3, Pu, Laltlanzauva - AOC Veng
4, Pu, R. Lalawmpuia - Lawngtlai-III
5, Pu, Lalrammawia Chinzah - College veng
6, Pu, Lalrosanga - Bethel veng
7, Pu,Lalnghakthanga - Bethel veng
8, Pu, K. Roliana Bethel veng
9, Pu, Hc. Hmangaihzuala - New Vengpui
10, Pu, S. Vanlalhmingmuanpuia - New Vengpui
11, Pu, Ms Dawngliana - New Vengpui
12, Pu, V. Lalramdinzauva - Vengpui
13, Pu, B. Gospelthanga - Vengpui
14, Pu, B. Lalthahlua - Vengpui
15, K. Lalthuthlungliana - College veng te an ni
Lawmpuina hlante atang leh Association hruaitute atangin thusawi ngaihthlak a ni a, he an hun hmanna ah hian Pu,F.Zachungnunga Adviser LAROA chuan hunserh hmangin, Pu, Rorelliana Vuangtu Secretary LAROA chuan lawmthu sawiin hun a khar.