Lai Women Association kumpuan Hnam Ziarang Humhalh tih chu LWA Adviser Pu C.Z Thanliana'n a hawng.

Vawiin khan Lai Women Association Gen Hqrs Lawngtlai   kumpuan Hnam Ziarang Humhalh tih chu Electric Veng, Lawngtlaia an Office ah   LWA  Adviser Pu C.Z Thanliana'n a hawng.

Pu C.Z.Thanliana chuan Hnam ziarang humhalh tha apiang hnam zahawm an ni a, mahni hnam ziarang hnualsuattu dingchhuak an awm ngailo tih sawiin, Nu te chu inchhungkhur enkawltuber an ni a, inchhungkhur atanga hnam ziarang humhalhna a theihtawp chhuaha hma an lak chuan rahtha a chhuah ngei ngei ang a ti.

Lai Women Association Adviser chuan Lai hnam tawng, thuam, zia leh lam te chu a neitu Lai faten an hlutloh chuan tuman an hlutpui dawnlo tih sawiin, neitu nihna changthiama, neitu nitlaka humhalh kawnga tan la sauh sauh turin LWA Member te a sawm.

LWA Kumpuan hawnna kaihruaitu  President Pi V.Lalrinkimi chuan Lai tawng tihmasawnturin inchhungkhur ah hmantam a ngaih thu sawiin, Nu ten an fate an biakna ah a tamthei angber Lai tawng hman tum turin a chah.

LWA General Secretary Pi Vankungpuii'n kumpuan kaihhruaina tlangpui a sawi a, LWA kumpuan Hnam Ziarang Humhalh tih kaihhruaina a tarlan a nihdanin, hmalakna tur ruahman zing ah lai Tawng humhalh, Hnam lam leh Lai hla humhalh a tihhmasawn te, Hnam incheina uar leh  nausen hmingsak ah pawh Lai hnam hming puttir tura uar zawka hmalak te chu kumpuan bawhzui nan a hmalakna tur tarlan zingah a tel.