Sorkar thuchhuaha tarlan a nihdanin, tukin zing dar 7 khan Pi Lalrinpuii, Health Minister chuan Lawngtlai khawpui chhunga Damdawiin Pathum - District Hospital, Lairam Christian Medical Centre leh Christian Hospital Lawngtlai te a tlawh.
Pi Lalrinpuii chuan Damdawiina thawkte chu hna ropui tak thawk, mipuite innghahna an nihna hre reng tur leh chumi rilrupua thahnemngai taka thawk turin a chah a. Mizoram Health Care System chu thapui thawha siamthat a ngai tak meuh tih sawiin, sawrkarin theihtawp a chhuah mek a ti. Pharmacist- te pawimawhna sawiin District Hospital pharmacist la neilote pe vek tura hmalak mek niin District Hospital Lawngtlaiah pawh pek nghal a ni ang, a ti. Tun dinhmunah Health Department indaihlohna a nasa hle tih sawiin, chak zawka hmalak mek zel a ni a, a tahtawla thil tih a ngaih thin avangin kan nghah thiam ve pawh a tul hle a ti.
Health Minister chuan natna khirh bik enkawlna (Critical Care Unit) ang chi pawh nei ve thei ngei tura hmalak a tul hle a ti a. A bik takin lung zai ngai (Heart Surgery) ah sawrkar damdawiinah sum tlem zawk senga zai theih thuai a beiseiawm hle a ti a; 'kidney transplant' pawh tih theih thuai a ni dawn tiin; rethei zawk phai lama kal thei loten an hlawkpui dawn hle a ni, a ti.
Health Minister chuan natna khirh bik enkawlna (Critical Care Unit) ang chi pawh nei ve thei ngei tura hmalak a tul hle a ti a. A bik takin lung zai ngai (Heart Surgery) ah sawrkar damdawiinah sum tlem zawk senga zai theih thuai a beiseiawm hle a ti a; 'kidney transplant' pawh tih theih thuai a ni dawn tiin; rethei zawk phai lama kal thei loten an hlawkpui dawn hle a ni, a ti.
Pi Lalrinpuii chuan In vitro fertilization (IVF) ti tura phailam pan reng ngai chu a veiawm hle tih tarlangin, Mizoramah ngei ti ve thei tura hmalak a tul a, reilote ah tih ve theih a beisawm hle a ti. District Hospital zawng zawngte thuamthat a ngai hle a, chak zawka hmalak mek a ni a, Doctor leh staff lam te pawh semrual tan mek zel a nih thu a sawi. District Hospital Lawngtlai mamawh tam tak zingah 'CT Scan' leh 'Dialysis' khawl dah thuai tura kawngdap a ni ang a ti. Kohhran damdawiin pahnihte nen inhawng taka thawhho a tul hle tiin, thawhhona tha a awm chuan mipuite bawkin a hlawkna an tel dawn a, a tul anga hma lo la zel turin Sr. Chief Medical Officer (Sr. CMO) leh Medical Superintendent - te a chah bawk.
Pi Lalrinpuii chuan sawrkarin Kohhran damdawiin a ngaipawimawh takzet tih sawiin, a theihna apiangah sawrkar chuan a tanpui zel dawn a ni, a ti. Private Hospital- ah damlo inenkawl man a sang hle a, Kohhran damdawiinah erawh man tlawm zawka inenkawl theih a nih avangin sawrkar pawhin a thlamuanpui hle a, thlamuanpui tlak taka hna lo thawh chhunzawm zel turin a sawm nghal bawk.
Pi Lalrinpuii chuan sawrkarin Kohhran damdawiin a ngaipawimawh takzet tih sawiin, a theihna apiangah sawrkar chuan a tanpui zel dawn a ni, a ti. Private Hospital- ah damlo inenkawl man a sang hle a, Kohhran damdawiinah erawh man tlawm zawka inenkawl theih a nih avangin sawrkar pawhin a thlamuanpui hle a, thlamuanpui tlak taka hna lo thawh chhunzawm zel turin a sawm nghal bawk.
Tags
News