Music Domain Mizoram District Headquarters Lawngtlai chuan vawiin Dt.14.6.2024 khan Agape Buffet ah Executive Committee Meeting hmasa ber an nei.
MDM District Headquarters Lawngtlai din tur hian, Tv.Moses Lalvenhima MDM General Hqtrs Program Secretary chu MDM General Headquarters Executive committee in MDM District Hqtrs Lawngtlai din tura a ruat angin, February 2024 atang khan Lawngtlai ah hmalakna kalpui nghal a ni a.Tichuan Dt.3.4.2024 khan MDM Lawngtlai District Hqtrs chu din alo ni ta a ni. Hruaitu atan MDM General Headquarters Aizawl chuan heng mite hi alo ruat nghal bawk:
President: Elvis Lalthangzuala
Vice President: B.Lalrozawna
Secretary: T.Lalrinfela
Asst.Secretary: Dinsangzela Chinzah
Info.Secy: C.Rosangzuala
Fin.Secy: Eizabeth VL.Chhuangi
Treasurer: F.Lalramhnaii
MDM Dist.Hqtrs Lawngtlai ah hian zaimi leh rimawi lama tuimi tupawh member nih theih a ni a. Membership fee hi mi pakhat tan Rs.100 a ni. MDM member ni te tan, MDM Gen.Hqtrs in alo rel tawh angin zaithiam pawl dang nen member nih kawp (dual member) nih a remlo a ni.
MDM Dist Headquarters Lawngtlai ah hian mahni duhthu ngeia hming inpe lut Member 80 chuang awmin. Lawngtlai District chhunga rimawi leh zai mite hmasawnna atana pawl tangkai tak tur a ni.