.jpg)
Achhunga chengte ngei pawn midangin an sawi pawha an hnial that ngamloh chu, Lawngtlai chu hnamdang sumdawng tamna a ni, tih hi a ni a, a dik tih hi tute pawn an pawm a nih a rinawm a, hmalak vak ngaihna a awmlo a ni phawt anga, hetiang khawp a sumdawnna liantham an thuhnuaia a awm tlat mai hi.
Vai kan tihte hi chu Indian an la ni zawk a, hnawk hle mahse, eingtin tin emaw hmuhmawi luih tum tan chuan a la melh kan theih deuh maithei,ILP etc. te an nei a nih chuan.
Myanmar leh Bangladesh ram buai vangin mi sang sarih chuang Lawngtlai District in a kawlmek bawk a, hengmite hi eizawnna mumalneilo an ni a, thenkhat hi chu an dinhmun enin an khawsak a sang mah mah em aw tihtur te pawh an awm thei maithei, an ni pawh hi enliam mai mai chi an ni lovang.
Tun dinhmun chhovah Rakhine State lam ah sumdawnna kawng a inhawng a, a hlawkna teltu hi tutenge ni ang ? Hetianglo deuh hian a kaltheih angem aw ?. Raltlan pawh nilo, engtinge ramri an rawnkan tih pawh hriat mangloten kan tualzawl ah an duh duh bungrua an rawnlei mai ni awma sawi awm te hi mutmawh hnarmawha neih a tul awm e. Foreginer te an zalen viau ringawt hi a dik lova, hetianglo zawng hian he sumdawnna pawh hi herdanglam theih a ni angem aw, keimahni lam hian ramri ah kan va hralh thei mai zawk lo maw ?
Thil engemaw a awm hian khawiahnge CYLA kan tingawtzel te hi a fuhberlo, YLA hian buaipuitur a ngah lutuk, thil zawng zawng a buaipui vek tur a ni biklo, thuneitute chetnatur chi te, NGO lam inrawlhnatur te, tanhova tihtur chi te pawh hi a awm ve a nia.