Vawiin khan Mizoram Governor chuan Lai Autonomous District Council a Chief Executive Member atan South Lungpher bialtu MDC, Pu C.Lalmuanthanga a pawmna lehkha tichhuah a ni.
Tarlan thin angin LADC a MNF Legislature Party Pu V.Zirsanga kaihhruai Sorkar chu MDC 13 ten Governor hnen ah thlawptu a ngah tawklo tih an thlen hnu ah, Governor in Pu V.Zirsanga chuan thlawptu a neihdan fiah tura Floor Test nei tura March 7, 2024 a a tih laiin LADC Session neihma lawkah Pu V.Zirsanga chuan CEM atangin banna a thehluta, hetatang hian LADC ah Sorkar mumal a din theihloh hnu ah Congress MDC 1 leh MNF. MDC 12 ten United Legislature Party, Congress Member Pu C.Lalmuanthanga kaihhruaina hnuaiah dinin, May 1, 2024 khan LADC ah Sorkarna an siamthei tih Governor hnen ah Caretaker Lawngtlai DC kaltlangin an thlena, hethu kalzelah hian Chief Executive Member atan Governor in Pu C.Lalmuanthanga chu May 7, 2024 a a pawmna chu vawiin khan tihchhuah a ni ta a ni.
Hetihian thla hnih vel LADC ah Sorkar mumal a awmloh hnu, Governor in enkawl lailawk tura a ruat Lawngtlai DC in a enkawl hnuah Sorkar thar a piang thei dawn ta a, hunremchang hmasaber ah Chief Executive Member thar tur hi Lawngtlai DC in rinawmna thu tiamtirin a lalut anga, Governor in ruahmanna a siam lawk angin CEM thar rintawkna hi May 20, 2024 ah LADC Session ah neih a ni ang.
Tags
News