Vawiin (Dt.9.5.2024) khan Joint NGO Chawngte (Lawngtlai District) leh Lawngtlai District Students' Association aiawhte chuan Home Minister Pu.K.Sapdanga leh PWD changtu Minister Pu.Vanlalthlana hmu in, Home Minister hnenah hian Chawngte Police Station a thawktu indaihlohna chungchang an thlen a, Home Minister chuan SP Lawngtlai hnenah forwarding siamsak nghalin, SP Lawngtlai chu Chawngte Police Station a thawktu indaihlohna chungchang chu lo zirchianga, a hma lama chhanna pe turin a ti a ni.
Home Minister an hmuh zawh hian Joint NGO Chawngte leh LDSA aiawhte chuan PWD Minister hmu leh nghalin, Minister hnenah hian chawngte khawchhung kalkawng siam mek chungchang thlenin, kawng siam hna thawh mek chu a anihna tur anga siam anih loh thu leh, supervisor daha, a hma thei ang bera hna thawh zawh anih theih nana hma la turin Minister hi an ngen a. Tin, hei bakah hian Chawngte L leh Rualalung inkar kawng, Chawngte L tawntirh, a chhe zual lai siam hmanhmawh ngai te, Minister hnenah hian an thlen bawk a ni. PWD Minister chuan Engineer-in- Chief hnenah Joint NGO Chawngte leh LDSA ten a hnena thu an thlen chu, a tul anga lo bawhzui nghal tura ngenna lehkha a siam nghal a ni.
Joint NGO Chawngte (Lawngtlai District) leh Lawngtlai District Students' Association te chuan Home Minister leh PWD changtu Minister te chungah, Chawngte khawtlang mamawhte an ngaihthlak sak avangin lawm thu an sawi.